Bourne Archive:
FNQ: Holland/Kesteven: 1500 enquiry: Latin
http://boar.org.uk/arpwxo3FNQ338Lat.htm Latest
edit 5 Aug 2009.
Web page ©2006 R.J.PENHEY
The Bourne Archive
The Limits of Kesteven and
Sweeting’s Transcription of the
Report of from Margaret Beaufort’s Commission of a
Survey of the Boundary between
from Articles 338, 380 and 425 of Fenland Notes and Queries, edited by Rev. W.D. Sweeting, Rector of Maxey.
Ao Henrici septimi 16o
The Limitts
of Holland & Kesteven tempore Margaretae Comitissae Richmond and
Undr ye hands of Mr Anderson Maior of Boston & Mr Gannoch Justice ibm.
Innotescat Omnibus presentibus et futuris Quod piissima et nobilissima princeps Margareta Comitissa Richemond et Darby Mater charissima domini nostri domini regis Henrici septimi dum magnum pontem infra villam sancti Botulphi restaurare instituit et sub eodem Cataractam sive Slusam redintegrare sive edificare et constituere in utilitatem omnium paludum et mariscorum inter aquas de Welland et Wytham et totius patrie circumiacentis de Kesteven et Holland et eandem perpetuo manuteneri voluit imposterum et conservari sumptibus et expensis hominum de Holland Quia illi maxime utilitatem exinde caperent et precipue villata de sancto Botulpho predicta ratione profundioris portus per eandem futuri (ut speratur) Et quia propter discordias ex malitia motas non liquide constat omnibus Ubi limites mete bunde et diuisiones inter partes predictas iaceant vel posite sunt inter aquas predictas Quia homines de Kesteven ex dedita opera ut metas predictas delerent et confunderent aliquot Cruces sanctas dividentes partes predictas nuper subruebant et abstulerunt ex qua re satis intellecta et cognita prefata nobilissima princeps odio habens huiusmodi discordias et contentiones et iniurias et cupiens enixe veritatem revocari et redintegrari per litteras suas impetravit a domino Rege Commissionem suam sub sigillo directam Roberto domino Willowghbie Thome domino Rosse Thome domino ffitzwater Georgio domino Haystings Johanni domino ffitzwarren Roberto Dymocke militi Georgio Taylboys militi Edwardo Stanley militi Reginaldo Bray militi et Christoffero Willoughbie militi Ut illi decem novem octo septem vel sex eorum causam querimonium et lites exinde ortas cognoscerent audirent et imposterum determinarent quibuscumque vijs medijs et modis possent et valerent. Unde predicti Commissionarij mandatum suum mittunt virtute Commissionis predicte Vice Comiti Lincolniensi ut ad certum diem et locum coram ipsis venire faceret xxiiijor probos et legales homines de Balliva sua per quos rei veritas melius cognosci poterit ad inquirendum de controuersia predicta Ad quem diem scilicet quarto die Septembris Anno xvjto regni domini domini regis Henrici vij: predictus Vice Comes Lincolniensis retornavit breve predictum et Commissionarij predicti humiliter obtemperantes domine nobilissime comitisse que apud Collyweston illos convocavit et in mandatis dedit et oravit ut causam hanc diligenter caute et accurate agerent et tractarent secundum veritatem et post crebras et longas perambulaciones unacum Juratoribus habitas et Postquam his cum Juratoribus limites et bundas partium predictarum lustrassent nunc equites nunc pedites nunc Cimbis vecti primo ab aqua de Welland ad Wytham et deinde e contra procedendo interea multis evidentijs et rotulis et Recordis coram Commissionarijs et Juratoribus hinc et illinc ostensis apud Sessiones suas inceptas apud Kime in domo mansionali predicti Georgij Taylboys militis dicto quarto die Septembris anno xvjto dicti domini regis henrici septimi (ut prefertur) et finitas apud Maxey Castle in presentia prefate nobilissime Comitisse quarto die post videlicet octavo die Septembris predicte receperunt veredictum Juratorum in hec verba Viz: Inquisitio indentata capta apud Maxey Castle in Comitatu Northampton viijo die Septembris Anno regni regis Henrici septimi xvjto in presentia nobilissime Comitisse Margarete Comitisse Richemond et Darby coram Roberto domino Willoughbie Thoma domino Rosse Thoma domino ffitzWater Georgio domino Haystings Roberto Dymocke milite Georgio Taylboys milite Edvardo Stanley milite et Cristoffero Willoughbie milite per sacramentum Roberti Husse militis et sociorum suorum qui in mandatis precipue habent ut omni qua possent diligentia querant ubi antique rate et vere bunde mete diuisiones et limites inter Kesteven et Holland sint vel esse debent inter aquas de Wytham et Welland et addita exinde quacumque cura labore et inquisicione Juratores predicti dicunt super sacramentum Suum Quod antique rate et vere bunde mete et limites dividentes partes predictas sunt que sequuntur Viz eundo ab aqua de Wytham et tendendo ad aquam de Welland dicte mete bunde et limites incipiunt in loco ubi aqua de Wytham et Kyme Water simul cadunt et coniunguntur et ab eodem loco ascendendo occidentaliter sicut Cursus aque predicte vocate Kyme Water currit et tendit usque ad locum ubi le ould Ea cadit in aquam de Kyme et ab eodem loco vertendo australiter et ascendendo per cursum dicte ould Ea alias Holland dike alias Kime dike Quia diuidet partes predictas usque ab Willobothe et tunc ascendendo directe per fossam predictam vocatam le Ould Ea usque ad South Ea et deinde sicut le South Ea venit a quadam Syka vocata le Shedingflete et ab eodem loco directe recta fere linia ad Wragmerstake alias Blackestake habita levi et parva declinacione ad sinistram videlicet orientem. Et Juratores predicti dicunt super sacramentum suum Quod tunc procedendum sit versus austrum per Gobyonbothe alias Molbothe usque ad Gristhirn alias Grist declinando paululum inter Gobyonbothe et Grist versus occidentem et tunc ascendendo versus Australiter per quandam sykam que ducit directe inter litle folinge Worthill et greate folinge Worthill quorum prius dictm est in Holland et posterius dictum in Kesteven et tunc ascendendo versus austrum per dictam sykam directe ad crucem lapideam super brigedike que posita fuit in honorem dei beate marie virginis ut semper sit meta et bunda inter partes predictas. Et Juratores predicti dicunt super sacramentum suum Quod tendendum est ab illa cruce non tamen omnino australiter usque ad le heathsteade in Nestleholm sed inter crucem predictam et Nestleholm hearthestead sunt quedam declinaciones hinc et illinc satis cognite illis quorum interest et incolis et vicinis in partibus utrisque predictis et notate per cursum aque et quasdam sykas bene videndas et deinde ab illo loco vocato le hearthesteade predicto versus austrum eundo per flatpoles et quandam crucem vocatam Dowesby Crosse que posita fuit in honorem Sancte Elene Imperatricis ut semper sit meta et bunda dividens partes predictas usque ad Earthloade olim Cheylbeche et transeundo le Earthloade abinde australiter ad priourdike alias midfendike et directa via per medium dicte prioursdike tendendo nova Syka predicta nova Drana ad Newdike end similiter vocatam priourdike alias fendike end alias Northflete alias Blackflete omnibus quorum interest satis cogitam hijs hominibus et eundum adhuc per le blackflete usque ad fossatum Alvei sive fluuij de Glean eo loco ubi predictum fossatum instar promontorij extenditur occidentem versus Et hinc paululum eundum est orientaliter per idem fossatum ad fundamen Crucis lapidee iuxta fossatum fluuij predictum positum contigue ad Gotheramscoat Que quidem crux erecta fuit in honorem sancte Trinitatis ut sit meta et bunda dividens partes predictas Et ab eodem crucis fundamine per flumen aque directe versus orientem transeundum est ad ulteriorem ripam sive partem aque predicte que dicitur Glean alias Burn Ea alias Catebrige Water Et Satis liquet quod ab hoc loco id est a Gotheramscoat trans amnem versus eurum usque ad Gotheramsend ipsum fossatum in ea parte fluuij constructum et erectum est vera meta bunda et diuisio dividens partes predictas Nam Juratores predicti dicunt super sacramentum suum Quod com eo ventum est scilicet trans amnem in eam partem ubi est Pinchbecke et Spaldinge Southefenn mete et bunde predicte vertuntur austrum versus non tamen directe sed sicut fossatum predictum eo tenditur et ducit usque ad quedam Repagula sive barras et crucem lapideam in quodam loco vocato Gotheramsend directe ex transuerso sive ex opposito le Eascoat versus austrum Que quidem Crux apud Gotheramsend predictum posita fuit in honorem sancti Nicolai ut sit meta et bunda dividens partes predictas Et ulterius Juratores predicti dicunt super sacramentum suum Quod mete et bunde dividentes partes predictas de Kesteven et Holland se extendunt a predicta cruce lapidea posita in Gotherams end ex oppositio le Eascoate predictum (ut predicitur) directe ad puteum quendam sive foramen effossum apud Wadload grayn alias Crosse in the fleggs olim vocatam Oggott recta propemodum linia ad orientem sicut Crosselake alias Everards Lake se extendit a predicta Cruce apud Gotheramsend usque ad dictum puteum sive foramen apud Wodload-greyns alias Cross in le fleggs intersecando siue transeundo quasdam Seweras et incilia in marisco predicto Et Juratores predicti dicunt Quod predicta Crosse lake alias Everards lake cuius extrema attingere solent et Gotheramsend predictam et crosse in le flegges obstruitur in profundo marisci et fere limo bitumine et sabulo impletur Antequam ventum sit ad puteum predictum Et igitur cupivit renovari Sin minus levem putant fore errorem Si limites et mete et bunde predicte extendantur a cruce predicta apud Gotheramsend directa linia ad puteum predictum apud Crosse in le fleggs predictum sicut anteactis temporibus fiebat Et Juratores predicti ducunt super sacramentum suum quod tibia cuiusdam crucis lapidee apud Wood Loadgrayns alias Crosse in le fleggs diruta adhuc manet que posita fuit in honorem sancti Guthlaici in ipso Loco ubi puteus predictus effossus et factus est ut semper esset meta et bunda dividens partes predictas sed dejecta fuit diabolico conatu quorundam Depingensium qui nec deum nec Christum eius nec sanctam dei matrem reverentur aut colunt Quorum (?) etiam aliquot predicta nobilissima Comitissa merito supplicio tam ecclesiastico quam seculari puniri fecit et quibusdam finibus Depinge cuiuslibet in eternum interdixit. Et ulterius Juratores predicti dicunt super sacramentum suum Quod mete et bunde predicte Dividentes partes predictas se extendunt a predicto puteo apud Wood Lodgraynes alias Crosse in le fleggs directa Linia trans fossatum vocatum Aspath alias Depingebancke usque ad crucem lapideam vocatam Crosse in ye Ea prope aquam de Welland positam Eoque eundo ad dextram habetur Mariscus de Deepinge et ad Sinistram Mariscus vocatus Gogsland qui est pars Asili refugii sive Sanctuarij de Crowland Que quidem Crux constructa fuit in honorem Sancti Kenulphi primi Abbatis de Crowland ut sit meta et bunda dividens partes predictas Et ulterius Juratores predicti dicunt Quod iste superius recitate mete bunde limites et diuisiones et loci et placee predicti sunt revera mete bunde et limites dividentes partes predictas vel loca et placee ubi ee solent et debent et sic semper habentur et noscuntur et ex quo non extat memoria in contrarium nec aliquid quo posuit moneri aliud sentire* In cuius rei testimonium Juratores predicti hijs presentibus sigilla sua apposuerunt die et Anno supradicto Super que Commissionarij predicti omnia prefata loca ipsi videntes et totum tractum preter his* iam peragrantes et a loco in Locum ambulantes et Scripta Rotulos et recorda et allegata et rationes et quicqud dici potuit ex quavis parte diligerter audientes et limites et metas ipsas observantes et considerantes et de omnibus rebus et circumstancijs cun Juratoribus et omnibus quorum inerfuit consulantes post perambulacionem peractam tandem ex assensu nobilissime Comitisse cuius peculiariter et private maxime interfuit et ex consensu Consiliatorum suorum et ponderantes quod Limites et Diuisiones partium predictarum non aliter quam secundum veredictum sint nec possint esse nec debent nec possunt ex legibus huius regni alibi poni sive locari quam ubi ex antiquo in re fuissent et nunc esse constat decreverunt stauerunt ordinaverunt et auctoritate Commissionis predicte adiudicaverunt. Quod omnes ille mete bunde diuisiones et limites superius recitate inter partes predictas a predicta aqua de Wytham ad Welland vel e contra ut in veredicto predicto continentur recitantur et nominantur imposterum semper pro ipsis veris iustis antiquis et certis metis bundis diuisionibus et limitibus partium predictarum habeantur noscantur censeantur et sine dubitacione recipiantur imperpetuum per presentes prout decet et debet Que omnia et singula in Cancellariam dicti domini Regis ad Reverendissimum patrem miseracione divina Cantuariensem Archiepiscopium totius Anglie primatum et Metropolitanum Dominum Cancellareum Anglie mittimus et significamus humiliter per presentes. In cuius rei Testimonium et in maiorem eiusdem confirmacionem prefata nobilissima Comitissa sigillum suum hijs presentibus apponi curavit una cum sigilis Commissionariorum seorsim appensis ut in Cancellariam deferantur ut predicitur.
Palmer.
Exm. per me Jo :
Willm Gannocke.
FNQ Footnote: * Some error here.